II Fiesta de las Lhénguas
Alégranos muito informavos de qu’un añu más estaremos na Fiesta de las Lhénguas en Picuote (Tierra de Miranda). Esta segunda edición tendrá llugar los días 20, 21 y 22 de setiembre y cuntará nuevamente con participantes de todu’l dominiu lingüísticu asturllionés. La parte zamorana estará representada’l sábadu 21 a las 15h, drento de l’actividá chamada A la cumbersa i la scuita de ls nuossos scritores. Nella estarán presentes outores y outoras de Miranda, Zamora, Llión y Asturias, y podremos compartir la literatura feita en Zamora, en particular la nuesa reciente publicación El Llumbreiru: antoloxía de literatura asturllionesa en Zamora. Veleiquí’l programa completo:
Pa que naide se pierda por Picuote, los organizadores apúrrennos esti mapa conos llugares onde se van celebrar tódalas actividades:
Despuéis del éxitu de la primeira edición, celebrada en 2023, l’asociación La Frauga de Picuote, organizadora del eventu, apuesta por repitir un alcuentru qu’axunta movimientos de reivindicación lingüística, escritores, asociaciones, artesanos y músicos de todu l’espaciu lingüísticu y cultural asturllionés, coincidiendo en fechas mui cercanas al Día Européu de las Llenguas. Dende estas llinias sumámonos a la reivindicación y a la fiesta, y convidámosvos a celebrar con nós esi día.
