Encontro com formandos da Alemanha
Furmientu organiza un alcuentru con estudiantes d'Alemania el próximu día 18 de setiembre na Sala de Conferencias de la Biblioteca Pública de Zamora. Nel actu, que se desarrollará de 11 a 13 horas, l’escritor y miembru de Furmientu Jesús González impartirá una charla sobre la cultura y la llengua tradicional de la provincia de Zamora. La actividá está empuntiada a estudiantes alemanes, interesaos en conocer la cultura fronteriza del noreste portugués y de la provincia de Zamora; sicasí, l’actu quedará abiertu a tódolas personas.
La entidá que promueve la formación ye l’Institutu pa la Formación continua de Lohmar, n’alemán Lohmarer Institut für Weiterbildung (LIW). Los participantes son de las más variadas áreas profesionales y aproveitan el dreitu a cinco días añalmente pa la formación n’aspectos de la cultura en xeneral. Nesta actividá, la temática ye las llenguas minoritarias y los contactos transfronteirizos en rexones periféricas. Muitos de los estudiantes tienen conocencia específica y formación lingüística. El grupu moveráse por outros llugares de la zona cumo Sendim, Miranda de l Douro, Bragança, Zamora y Fermoselle.
Al respetive l’actividá de Zamora, hemos dicir que tien l’apoyu de la Biblioteca Pública de Zamora, a quien agradecemos muito l’interés qu’amuestra siempre por divulgar la cultura zamorana.
