Preséntase n’A Viella ‘Eternamente nel amiente’

23 may

Escrito por Asociación Cultural Furmientu Zamora

El día 21 de mayu presentóuse n’A Viella’l llibru de María José Zurrón y Laureano del Estal ‘Eternamente nel amiente’. Nel actu, que touvo llugar nuna de las salas del Castiellu de los Condes de Benavente, nel centru de la villa senabresa, estuvionen presentes los outores asina cumo la prologuista de llibru, Marisol López del Estal, directora de La Opinión de Zamora y l’alcalde de la Puebra, José Fernández Blanco.

Delantre d’una sala avantada de personas, la escritora y l’ilustrador contonen cúmo foi’l procesu de creación d’esti llibru, nel que llevaban trabayando varios años. Trátase d’un sentíu homenaxe a la cultura y a la llengua de Senabria, n’hestorias tecidas a través d’unos relatos nos que la muyer campusina toma un especial protagonismu.

Reseña del llibru ‘Eternamente nel amiente’

Recordamos a los nuesos llectores qu’esta publicación se puede alquirir na llibrería Semuret:

Mercar ‘Eternamente nel amiente’