El llugar de La Cuesta, en Trueitas, recupera la toponimia tradicional gracias al llabor d’El Teixu
L’ayuntamientu de Trueitas instalóu recientemente placas conos nomes tradicionales de las calles n’asturllionés, promocionando asina la fala popular d’esti llugar de Cabreira l’Alta. Las retulaciones recueyen denominaciones de calles, prazas y outros llugares significativos qu’on son usaos pola xente del llugar. Pa esti llabor de recoyida, l’Ayuntamientu de Trueitas y la Xunta Vecinal de La Cuesta cuntonen cona ayuda d’El Teixu, que fizo’l trabayu de campu, las encuestas a los informantes del puebru pa recoyer d’una forma fidedigna los datos y el posterior asesoramientu técnicu y lingüísticu a la institución municipal. Nomes cumo L’Eira, La Caleyica, Los Payares o La Igresia, que pervivían na oralidá, tienen houguaño retulaciones propias cumo se puede ver na fotografía:
La xeira d’El Teixu amplíase con un mapa detalláu de las calles del llugar:
Esti trabayu súmase a outros yá realizaos na provincia de Llión, cumo son las retulaciones de Felechares, San Feliz y Calzada, nel municipiu de Castrucarbón. Dende Furmientu felicitamos a tódalas personas que lo ficionen posible y esperamos qu’estas actuaciones sirvan cumo exemplu pa outros ayuntamientos de la zona, tamién los zamoranos.
Fuentes:
