CryoSanabria reparte carteles en senabrés nos establecimientos de la comarca
Nuevos carteles en senabrés, na puerta de los baños d'un establecimientu en Samartín (Foto Enfoque Diario Zamora)
L’asociación CryoSanabria da continuidá a un proxectu qu’emprincipióu hai yá unos años polas asociaciones El Teixu y Huerto del Pozo. Trátase promover l’usu de carteles y paneles informativos na llengua de Senabria, l’asturllionés, nos establecimientos comerciales y hosteleiros de la comarca.
Miembros de l'Asociación El Teixu, repartiendo carteles en Senabria en 2016 (Foto La Opinión de Zamora)
“Abiertu” o “pecháu” nas puertas d’establecimientos, “homes” y “mulleres” nas de los baños, y outros más específicos, cumo “Eiquina deixamos entrar con mascotas”, pueden vese nuevamente en llugares d’A Viella o El Mercáu. Esta acción acompañóuse del repartu de carteles con nomes senabreses de la fauna local, cumo “llobu”, “ciervu” o “durunciella”.
CryoSanabria tien en marcha outras iniciativas pa promover el senabrés, cumo un concursu literariu de relatos, abiertu a la participación hasta’l mes de diciembre. Eiquí vos dexamos las bases:
