21 de febreiru, día de la llengua materna, tamién en Zamora
La celebración del 21 de febreiru cumo Día Internacional de la Llengua Materna tien el sou orixen nun triste sucesu de 1952, cuando varias personas que se manifestaban en Bangladesh pa pidir reconocimientu del bengalí en Pakistán fonen asesinadas pola policía. Esta fecha foi acoyida tiempu despuéis pola Unesco, qu’en 1999 decidíu acinchar esti día pa revindicar tódalas llenguas minorizadas del mundu.
La llengua materna ye la que se deprende nos primeiros años de vida. Ye la llengua de casa, y por tanto forma parte de la nuesa identidá más profunda. Onque na vida adulta podemos falar outras llenguas, l’idioma maternu siempre paez que mos devuelve a esos sentimientos más profundos, más enrraigonaos nel nuesu ser.
Cumo yá se dixo tantas veces, el gallego-portugués y l’asturllionés sufren una situación de fuerte minorización na nuesa provincia, pero yeran hasta hai unas poucas décadas las únicas que se sentían en ciertos puebros del oeste provincial. Son, por tanto, la llengua materna de muitas zamoranas y zamoranos, mesmo de personas qu’houguañu yá nun las falan; son una parte importante de la nuesa memoria colectiva, qu’onque vai perdiendo fuerza col pasar del tiempu, ontavía nun desaparecíu y queremos revindicar.
Pero güei las protagonistas nun son las llenguas, son las personas. Por eso eiquí vos dexamos una riestra de videos pa sentir a los falantes patrimoniales d’asturllionés y gallegu en Zamora:
