Primeira ópera en mirandés

Nesti mes de santamarina vai estrenase la primeira ópera cantada en mirandés. Con música de Hugo Correia y llibretu de Bruno dos Reis, esta obra desarróllase alredor de la impotencia d’una madre ante la lloucura del fiyu. La hestoria preséntanos la dificultá de distinguir entre realidá y ensoñación.

Las voces de Sofia Marafona, Serena Alves, Paulo Lapa, Tiago Matos y Jo𝐚̃o Fino dirán acompañadas de la Banda Musical de Loivos, baxo la dirección de Luciano Pereira.

Onque esta ópera farsante nun ye la primeira n’asturllionés (yá hai unos años el compositor asturianu Luis Vázquez del Fresno compusiera El rei Sebastià), sí se trata de la primeira na variedá mirandesa del idioma.

Los promotores defienden qu’esti importante estrenu servirá pa poner en valor l’heriedu cultural y las tradiciones trasmonatanas, con especial destaque na llengua mirandesa, faciendo por tresmitila a las xeneraciones futuras.

Las fechas y llugares del estrenu van ser:

Chaves, 5 de santamarina de 2025, Jardim Público de Chaves.

Miranda l Douro, 6 de santamarina de 2025, Alcaçova do Castelo.

¡Nun vos lo perder!