Faceira informa al Conseyu d’Europa del incumplimientu de la Carta Europea de las Llenguas Rexonales por parte de la Xunta de Castilla y Llión
El pasáu miércoles 17 de xañeiru de 2024 miembros de l’asociación Faceira aconceyónense en Madrí col Comité d’Expertos del Conseyu d’Europa, encargáu de revisar el cumplimientu n’España de la Carta Europea de las Llenguas Minoritarias (CLRM), una norma d’ámbitu européu aprobada pol Estáu Español en 2001 y qu’houguaño ye d’aplicación obligatoria por tódalas comunidades autónomas con llenguas rexonales reconocidas, cumo ye’l casu de Castilla y Llión.
Nesta reunión Faceira presentóu un informe onde se pon de relieve’l reiteráu incumplimientu del artículu 5.2 del Estatutu d’Autonomía, onde se reconoz el llionés cumo llengua propia de la Comunidá de Castilla y Llión. En concretu, la asociación cultural denuncia l’incumplimientu nestos puntos:
L’asturllionés está ausente nel sistema educativu (artículu 7.1.c de la CLRM).
Nun se desarrollóu nenguna midida práctica pa la sua promoción (artículu 7.1.c de la CLRM).
Nun se facilita’l sou usu na vida pública y privada (artículu 7.1d de la CLRM).
Nun se desarrollóu lexislativamente l’artículu 5.2 del Estatutu d’Autonomía.
Nun ye la primeira vez que la Xunta de Castilla y Llión recibe esti tipu de denuncia. Amás de asociaciones y colectivos culturales que vienen denununciando esta situación dende hai años, tamién el Procurador del Común Tomás Quintana firmóu una resolución en 2023 na que pidía l’enseñu del llionés nas provincias de Salamanca, Zamora y Llión, en cumplimientu de la normativa europea.
